Abituriyent.zn.uz

Buyuk istiqlol sharofati ila jonajon O`zbekistonimiz jahon hamjamiyatida  o`zining munosib o`rnini egallab, huquqiy demokratik jamiyat qurish yo`lida shaxdam odimlab bormoqda. Iqtisodiy, ijtimoiy, ma`naviy va boshqa sohalarda mustaqillik yillarida amalga oshirilgan bunyodkorlik ishlari, erishilgan yutuqlar, islohotlarning yanada chuqurlashayotgani buyuk istiqbolimizning dastlabki nishonalaridir.

O`zbekiston Respublikasi Prezidenti I.Karimov va Hukumatimizning ijtimoiy, xususan, ta’lim sohasidagi oqilona siyosati barkamol avlodni, komil insonni voyaga etkazishga qaratilgan bo`lib, 1997-yilda qabul qilingan Kadrlar tayyorlash milliy dasturi, «Ta’lim to`g`risida» Qonun uning huquqiy asoslarini yaratdi.

Tabiati, hududi, iqtisodiy qudrati, tarixi, madaniyati, milliy tarkibi, an`analari jihatdan o`ziga xosliklarga ega Navoiy mintaqasi uchun yuqori malakali pedagoglar tayyorlovchi Navoiy davlat pedagogika instituti mamlakatimizdagi eng kenja oliy o`quv yurtlaridan biri hisoblanadi. U 1983-yilda Nizomiy nomli Toshkent davlat pedagogika institutining Navoiy filiali sifatida tashkil topgan. O`zbekiston  Respublikasi Prezidentining 1992- yil 28- fevraldagi Farmoni bilan unga Navoiy davlat pedagogika instituti maqomi berildi. Hozirgi kunda institut respublikamizning yetakchi pedagogika oliy o`quv yurtlaridan biriga, viloyatning ilm-fan, ma’naviyat va ma’rifat markaziga aylandi.

Institut o`tgan qisqa davrda mamlakat xalq xo`jaligining ko`plab sohalari, xususan, ta’lim, ma’naviyat va madaniyat tizimi uchun 21 mingdan ko`proq  oliy ma`lumotli malakali pedagog mutaxassislar tayyorladi. Mustaqillik yillarida institutda yetishib chiqqan pedagoglar soni 14 mingdan ortiqni tashkil qiladi.

Ayni paytda Navoiy davlat pedagogika institutida tayyorlangan mutaxassislar uzluksiz ta’lim tizimining barcha bo`g`inlarida: oliy, o`rta maxsus va kasb-hunar, umumiy o`rta, maktabgacha ta’lim muassasalarida, davlat boshqaruv tizimida, Navoiy viloyati, shahar va tumanlari hokimiyat organlarida, jamoat tashkilotlari va boshqa sohalarda – fidokorona mehnat qilmoqdalar.

Moddiy – texnika va o`quv-laboratoriya bazani kuchaytirish, ta’lim sifatini ta`minlash,ta’lim mazmunini isloh qilish va yangi axborot-kommunikatsiya va pedagogik texnologiyalarni ta’lim jarayonida keng joriyetish, iqtidorli yoshlarni oliy ta’limdan keyingi ta’limga  jalb qilish orqali ilmiy salohiyatni o`stirish, respublika va xorijiy mamlakatlar oliy o`quv yurtlari hamda ilmiy markazlari bilan ko`p tomonlama hamkorlik qilish, fan va ishlab chiqarish integratsiyasini rivojlantirish, bozor iqtisodi sharoitida qo`shimcha ta’lim va servis xizmatlari ko`rsatishni kengaytirish, mahalliy hokimiyat organlari, jamoat tashkilotlari, jamg`armalar, korxonalar, muassasalar va ota-onalar bilan mustahkam amaliy hamkorlikni ta`minlash institut faoliyatining ustuvor yo`nalishlari hisoblanadi.

2010-2011-o`quv yilida institutda 6000 dan ortiq talaba vamagistrantlar tahsil oldi; bakalavrlar tayyorlash 18 ta’lim yo`nalishida, magistrlar tayyorlash 6 mutaxassislik bo`yicha amalga oshirilmoqda;  2 ta ixtisoslik bo`yicha aspirantura faoliyat ko`rsatadi.

Ta’lim yo`nalishlari va mutaxassisliklarda o`qitish o`zbek, rus va qozoq tillarida olib boriladi va bu milliy tarkibi jihatidan o`ziga xos bo`lgan Navoiy viloyati aholisining bilim olish bilan bog`liq konstitutsiyaviy huquqini ta`minlaydi.

Institutimizda bugungi kunda 401nafarprofessor-o`qituvchilar yuqori malakali pedagoglar tayyorlash, ta’lim-tarbiya hambastaligini ta`minlashda munosib hissalarini qo`shmoqda. Ularning  12nafari fan doktorlari va professorlar,90nafari fan nomzodlari va dotsentlardir. 2006-2011-yillarda institutimiz olim va tadqiqotchilari 4ta doktorlik,  38ta nomzodlik dissertatsiyalarini muvaffaqiyatli himoya qildilar. Oliy attestasiya komissiyasi tomonidan 3 kishiga professor, 30 dan ortiq fan nomzodiga dotsent ilmiy unvonlari berildi. Faqat shu davrning o`zida institut olimlari 8 ta darslik,  35  ta monografiya,  24 ta o`quv qo`llanmalari va ko`plab boshqa o`quv adabiyotlari yaratdilar.

Institutda har yili xalqaro, respublika va mintaqaviy ilmiy-amaliy, o`quv-metodik konferentsiyalar, seminarlar o`tkaziladi. 2006-2011 yillar davomida 16 ta respublika, 18ta mintaqaviy ilmiy anjumanva seminarlar yuqori saviyada tashkil qilinib, ularda ilm-fanning ustuvor yo`nalishlari, uzluksiz ta’limning dolzarb muammolari, yangi axborot-kommunikatsiya va ta’lim texnologiyalari, fanlarning nazariy asoslari va xususiy metodika, tabiiy-texnogen jarayonlar va  ekologik muammolarning ilmiy asoslangan yechimlarini topish, amalga oshirilgan monitoring natijalari asosida ta’lim-tarbiya jarayonini  takomillashtirish va  boshqa mavzularga keng e’tibor berildi.

Institutimiz O`zbekiston Respublikasi Fanlar akademiyasi Til va adabiyot, Tarix,Zoologiya institutlari, Qori Niyoziy nomidagi pedagogika fanlari ilmiy-tadqiqot instituti, O`zbekiston Milliy Universiteti, Samarqand davlat universiteti, Nizomiy nomli Toshkent davlat  pedagogika universiteti, Buxoro davlat universiteti, O`zbekiston davlat jahon tillari universiteti,Samarqand davlat chet tillar instituti, O`zbekiston davlat jismoniy tarbiya instituti va barcha pedagogika institutlari bilan ilmiy-tadqiqot, o`quv-metodik, ilmiy-pedagogik kadrlar tayyorlash, ularning malakasini oshirish va qayta tayyorlash sohalarida hamkorlik aloqalariga ega.

Mustaqillik yillarida institut yaqin va uzoq xorijiy mamlakatlarning yetakchi oliy o`quv yurtlari, ilm-fan markazlari bilan ilmiy hamkorlik qilish imkoniyatiga ega bo`ldi. Rossiya Federatsiyasining M.Lomonosov nomidagi Moskva davlat universiteti, Moskva davlat pedagogika universiteti, Novosibirsk davlat universiteti, Angliyaning Oksford, Kembridj universitetlari, Koreya Respublikasining Seul Milliy universiteti,Bolgariya Respublikasining Varna iqtisodiyot universiteti, Qozog`iston Respublikasining Olmaota industrial pedagogika akademiyasi, Turkiston Qozoq-Turk universiteti, Chimkent davlat universiteti va boshqalar bilan o`rnatilgan aloqalar yil sayin rivojlanib bormoqda. Mazkur aloqalarning natijasi o`laroq institutimiz professor-o`qituvchilaridan 41 nafari 1997-2011- yillarda Rossiya Federatsiyasi, Qozog`iston Respublikasi, Buyuk Britaniya, Koreya Respublikasi, Bolgariya Respublikasi, Isroil, Xitoy Xalq Respublikasi, Turkiya Respublikasi, Malayziya universitet va kollejlarida malaka oshirish va qayta tayyorlash kurslarida bo`ldilar; xorijda o`tkazilgan 40 dan ortiq xalqaro ilmiy konferensiyalarda bevosita ishtirok etdilar; bir necha iqtidorli yoshlar fan nomzodligi,  rus tili va adabiyoti kafedrasi dotsenti Tohir Yusupov esa doktorlik dissertasiyasini  xorijda muvaffaqiyatli himoya qildilar; Rossiya Federatsiyasi Moskva davlat universiteti, Qozog`iston Respublikasi Chimkent davlat universiteti, Xitoy Xalq Respublikasi Shanxay universiteti, Koreya Respublikasining Seul Milliy universiteti olimlari bilan hamkorlikda ilmiy maqolalar to`plamlari chop etildi.

2006-2011-yillarda institutda Birlashgan Millatlar Tashkilotining O`zbekistondagi vakillari, YUNESKO vakillari, bir necha mamlakatlarning O`zbekistondagi elchixonasi xodimlari, Rossiya Federatsiyasi, Koreya Respublikasining oliy o`quv yurtlari olimlari, O`zbekiston Qahramonlari Abdulla Oripov, Erkin Vohidov, shoir va yozuvchilar O`tkir Hoshimov, Usmon Azim, G`affor Hotamov, Oydin Xojiyeva, Muhammad Ali, O`zbekiston Respublikasi Fanlar akademiyasi akademiklari: S. Shermuhammedov, A. Rustamov, T.Shirinov, taniqli olimlar: T.Mirzaevlar, N.Karimov, I.G`ofurov, I.Haqqul, M.Jo`rayev, H.Ne`matov, B.Xo`jayorov, S.Laqayev, Sh.Nazirov, R.Aloyev, O.Safarov hamda mashhur san’atkorlar bilan uchrashuvlar va kechalar tashkil etildi. Hozirda mamlakatimizda faoliyat ko`rsatayotgan siyosiy partiyalarning rahbarlari, Oliy Majlis Qonunchilik Palatasi deputatlari, Senat a`zolari bilan har yili uchrashuvlar o`tkazish an`anaga aylangan.

Institutimizda iqtidorli talabalarni tanlash, ularning iste’dodlarini ro`yobga chiqarish va bitiruvchilarni oliy ta’limdan keyingi ta’limga kengroq jalb qilish orqali ilmiy-pedagog kadrlar zahirasini yaratishga alohida e’tibor qaratilgan. NavDPIni tamomlab kafedralarda faoliyat ko`rsatayotgan yoshlar joriy o`quv yilida professor-o`qituvchilar salmog`ining 48 foizini tashkil qiladi. NavDPIda xotin-qiz professor-o`qituvchilarning ijtimoiy faolligini oshirish, ularni rahbarlik lavozimlariga tayinlash jamoamiz faoliyatining ustuvor yo`nalishlaridan biri hisoblanadi. 2010-2011 o`quv yilida 8 ta fakultetning 3 tasiga, mavjud kafedralarning 12 tasiga va bir necha bo`limlarga xotin-qizlar rahbarlik qilmoqda.

Institut o`quv-metodik, ilmiy-tadqiqot, ma’naviy-ma’rifiy faoliyatni tashkil qilish va takomillashtirishda viloyat hokimligi, mahalliy hokimiyat organlari, jamoat tashkilotlari, jamg`armalar, ishlab chiqarish korxonalari bilan hamkorlik qiladi. Mazkur yo`nalishdagi faoliyat 2010-yil martda Xalq ta’limi vazirligi tomonidan ma’qullangan “Uzluksiz ta’lim tizimini mazmunan modernizatsiyalash va ta’lim –tarbiya samaradorligini yahgi sifat darajasiga ko`tarish bo`yicha Navoiy viloyati xalq ta’limi boshqarmasi, o`rta maxsus, kasb-hunar ta’limi boshqarmasi va oliy ta’lim muassasalarining hamkorlik dasturi” asosida tashkil etilgan.Dastur doirasida viloyatdagi barcha akademik litsey va kasb-hunar kollejlari bilan uzviy aloqa va amaliy hamkorlik ta’minlangan.

Viloyatda islohotlarni yanada chuqurlashtirish, ko`p millatli mintaqa aholisining ma’naviy-madaniy, huquqiy-siyosiy saviyasini yuksaltirishda, milliy istiqlol g`oyasiga ishonch, Vatanga va xalqqa sadoqat ruhida tarbiyalashda jamoamiz ularning yelkadoshidir.

Jamoamiz professor-o`qituvchilari, talabalari buyuk va muqaddasO`zbekistonimizning porloqkelajagiga ishonadilar;institutda akademik va pedagogik ta’limni rivojlantirish hamdatakomillashtirish yuzasidan mamlakatimiz va xorijdagiyetakchi oliy o`quv yurtlarining tajribasini o`rganib, uni institut faoliyatida qo`llaydilar.Bunyodkorlik va yaratuvchilik, tashabbuskorlik va fidoyilikjamoamizning doimiy shiori bo`lib qoladi.

Jonajon Vatanimizning kelajagi–barkamol yosh avlodni tarbiyalashdek mas`uliyatli vazifani amalga oshirayotganimizdan faxrlanamiz. Mamlakatimizning sanoati, xilma-xil tabiati, go`zal va betakror an`analarga ega, navqiron va istiqbolli Navoiy viloyatining gullab yashnashi, uning bugungi kuni va istiqboliga xizmat qiluvchi, Prezidentimiz va Hukumatimiz siyosatiga, ona diyorimiz–O`zbekiston va uning xalqiga sadoqatli yosh avlodni voyaga yetkazish umididamiz.

Zamonaviy bilimlarga ega, umuminsoniy va milliy qadriyatlarni o`zida uyg`unlashtirgan, Vatanimiz baxt-saodati uchun mas’uliyatni his qiladigan, hur va erkin fikrlovchi yosh avlodni tarbiyalash, O`zbekistonimiz iqtisodiy-ijtimoiy, madaniy va ma’naviy taraqqiyotini yanada rivojlantirish yo`lida biz ilmiy tashkilotlar, oliy o`quv yurtlari, jamoat tashkilotlari, ishlab chiqarish korxonalari va barcha ezgu niyatli do`stlarimizni hamkorlikka, dunyodagi eng sharafli va mas`uliyatli kasblardan  biri- o`qituvchi va tarbiyachi bo`lishni orzu qilayotgan iqtidorli yosh yigit-qizlarni institutimizda  o`qishga chorlab qolamiz.

Navoiy davlat pedagogika instituti rektori,

professor X.I.Ibragimov

Qisqartama: NavDKI

Сайт:  http://nggi.uz/
Manzil: Navoiy sh, Janubiy – 327a

Navoiy Davlat konchilik instituti istiqlolning ilk yillarida O’zbekiston kon-metallurgiya majmuining ustuvor rivojlanishi va foydali qazilmalarni qazib olish hamda qayta ishlash sanoati uchun yuqori malakali mutaxassislar tayyorlab berish maqsadida – Navoiy davlat konchilik instituti tashkil qilinishi ham bugungi kunda zarur sohalarni malakali kadrlar bilan ta’minlashga zamin yaratdi.

O’tgan yillar davomida institut faoliyati, zarur mutaxassis kadrlar tayyorlash borasida qilingan ishlar samarasi o’laroq, nafaqat Navoiy viloyatida barpo etilayotgan yirik sanoat korxonalari, balki butun Respublika miqyosida olib borilayotgan bunyodkorlik ishlarini tashkil etish, mineral xom ashyo bazalariga ega bo’lgan hududlarda yer osti boyliklarini qazib olish va qayta ishlash borasida yirik ixtisoslashgan gidrometallurgiya korxonalarida konchilik sanoati, metallurgiya, mashinasozlik, energetika, kimyo sohasini yanada rivojlantirish bo’yicha mutaxassis kadrlarga bo’lgan ehtiyojni qondirish imkonini berdi.

Bevosita ixtisosliklar bo’yicha to’xtalib o’tadigan bo’lsak, har bir yo’nalishda malakali kadrlar tayyorlash yo’lga qo’yilgan. Bugungi kunda institutda «Konchilik ishi», «Kon elektromexanikasi» va «Nodir va radioaktiv metall rudalarini qazib olish va qayta ishlash texnika va texnologiyasi», «Elektr energetikasi», “Mashinasozlik texnologiyasi, mashinasozlik ishlab chiqarish jihozlari va ularni avtomatlashtirish», «Texnologik jarayonlar va ishlab chiqarishlarni avtomatlashtirish va boshqaruv», “Metallurgiya”, “Kimyoviy texnologiya” bakalavriat ta’lim yo’nalishlari bo’yicha, «Foydali qazilma konlarini ochiq usulda qazib olish», «Foydali qazilmalarni yer osti usulida qazib olish», «Nodir va radioaktiv metall rudalarini qazib olish va qayta ishlash texnika va texnologiyasi», «Nodir va radioaktiv metall rudalarini qayta ishlash va boyitish texnologiyasi» kabi magistratura mutaxassisliklari bo’yicha malakali kadrlar tayyorlanmoqda.

Shuni alohida ta’kidlab o’tish kerakki, institut ichki imkoniyatlarini yuzaga chiqarish, nazariy ta’lim va amaliyot uyg`unligini ta’minlash, shu bilan bir qatorda institutning ilmiy-amaliy potentsialini yanada takomillashtirish borasida tegishli tashkilotlar bilan amalga oshirilayotgan samarali hamkorlik ishlari ham juda katta yordam bermoqda.

Fan, ta’lim va ishlab chiqarish orasidagi integratsiyani rivojlantirish maqsadida tegishli tashkilotlar qoshida qator kafedralar filiallari tashkil etildi. Jumladan, NKMK 1-gidrometallurgiya zavodida “Metallurgiya”, “Noyob va radiaktiv metallar rudalarini qazib olish va qayta ishlash texnika va texnologiyasi”, Navoiy mashinasozlik zavodi ishlab chiqarish birlashmasida «Mashinasozlik texnologiyasi va mashinasozlik ishlab chiqarishlarini avtomatlashtirish”, “Elektr texnikasi, elektr mexanikasi va elektr texnologiyalari”, “Texnologik jarayonlar va ishlab chiqarishni avtomatlashtirish va boshqaruv”, Navoiy elektr tarmoqlari korxonasi va Navoiy davlat issiqlik elektr stantsiyasida «Elektr energetika», Navoiy azot OAJda va Navoiy elektrokimyo zavodida “Kimyo va kimyoviy texnologiya” Toshkent viloyatidagi qalmohir kon boshqarmasida Olmaliq kon-metallurgiya fakultetining «Konchilik ishi» va Elektr texnikasi, elektr mexanikasi va elektr texnologiyalari» kafedralari filiallari shular jumlasidandir.